उड्ने कुरा

तपाईं आकाशमा कति छिटो यात्रा गर्न चाहनुहुन्छ ? लन्डन र काठमाडांै चार घण्टामा ? यदि हो भने वैज्ञानिकहरूले तपाईंले सोचेभन्दा पनि छिटो उड्न सक्ने जहाजको परीक्षण गरेका छन्। काठमाडांैबाट लन्डन मात्र दुई घण्टामा र लन्डनबाट सिड्नी मात्र चार घण्टाको हवाई उडानबाट पुग्न सकिनेछ। सन् २०४० सम्म यात्रुहरूको सेवामा आउने अपेक्षा गरिएकोे उक्त हाइपरसोनिक जहाज आवाजभन्दा पाँच गुणा र अहिलेको सबैभन्दा बढी गतिको जहाजभन्दा ६ गुणा छिटो उड्न सक्छ।

उक्त जहाजको डिजाइन गर्ने काम युरोपियन स्पेस एजेन्सीअन्तर्गतको ल्यापक्याट ग्रुपले गरिरहेको छ। सन् २००३ मा कंकर्ड विमान सेवा बन्द भएपछि यात्रुहरूले टाढाको दूरीमा विमानबाट यात्रा गर्न पाएका छैनन्। कंकर्ड विमान सेवा बन्द भएपछि छिटो यात्राको युग समाप्त भएजस्तो लागे पनि वास्तविकता त्यस्तो छैन। वैज्ञानिकहरू कंकर्डभन्दा पनि भरपर्दो र तीव्र गतिको विमान बनाउन लागिपरेका छन्। एटु नाम राखिएको उक्त विमानको अवतरण र उडान प्रणाली सबसोनिक विमानको जस्तो हुनेछ भने उडान गति हाइपरसोनिक जहाजको जस्तो हुनेछ। आकाशमा तीव्र गतिका साथ उडान भर्ने बेलामा इन्जिन र बडीमा उत्पन्न हुन सक्ने तापको समस्यालाई पनि समाधान गरिने भएको छ।